Расійскія датацыі газам складуць $2,6 млрд за год, і столькі ж нафтай 6

Эканамічная выгада Беларусі ад ільготных паставак расійскага газу складзе 2,6–2,7 мільярда долараў за год, заявіў першы віцэ-прэм’ер беларускага ўрада Уладзімір Сямашка.

«Што да газу, то калі элементарна падлічыць, калі б не было пагаднення, то цана газу была б у сярэднім 335–340 долараў (за тысячу кубаметраў).

Сёння, вы ведаеце, мы атрымліваем газ па цане 165,6 долара, і калі ўлічыць, што мы сёлета атрымаем недзе амаль 22,7 мільярда кубаметраў, то, такім чынам,

розніца атрымліваецца прыкладна 2,6–2,7 мільярда долараў за год. Гэта значныя лічбы», — сказаў Сямашка агенцтву РІА Новости 19 мая ў Лондане,

дзе прайшло пасяджэнне Савета кіраўнікоў ЕБРР.

«Што да нафты, то гэта лічба прыкладна таго ж парадку, калі б мы плацілі пошліну»,

— дадаў першы віцэ-прэм’ер.

«Напярэдадні гэтага года мы перагледзелі некалькі ўмоў па цэнавай формуле пастаўкі нафты з РФ у Беларусь, што дало свой станоўчы эфект ацэначна 0,6–0,7 мільярда долараў», — сказаў Сямашка.

Он таксама зазначыў, што

пастаўкі ў Беларусь венесуэльскай нафты дапамаглі рэспубліцы дабіцца добрых умоў паставак расійскай нафты.

«У свой час венесуэльская нафта адыграла станоўчую ролю ў Беларусі. І хоць нам часта задаюць гэта пытанне з пэўнай падаплёкай, я адказваю так: «Калі б не было паставак венесуэльскай нафты ў мінулыя гады, то, напэўна, не было б пагаднення аб стварэнні адзінага рынку нафты і нафтапрадуктаў», — сказаў Сямашка.

«Сёння, дзякуй Богу, гэта пагадненне адбылося, і мы атрымліваем нафту на добрых умовах ад нашых партнёраў па МС і АЭП. На якіх умовах — вы ведаеце: гэта без пошліны і кватавання, а таксама іншых такога кшталту абмежаванняў.

Так што ўсё ў свеце не праходзіць бясследна і ўзаемазвязана. Так што пастаўкі венесуэльскай нафты адыгралі добрую службу. І мы заўсёды ўдзячныя нашым венесуэльскім партнёрам», — дадаў ён.

Пры гэтым віцэ-прэм’ер паведаміў, што Беларусь прадаўжае купляць частку нафты ў Венесуэле. «Там няпростыя свопавыя схемы, але мы працягваем купляць нафту з Венесуэлы зыходзячы з самых розных пазіцый. Аб’ёмы меншыя, але калі ўзяць са свопам, то гэта прыкладна тыя ж аб’ёмы», — сказаў ён.

Пасля таго як «Газпром» мінулай восенню стаў уладальнікам 100% акцый «Белтрансгаза», Беларусь атрымала значную скідку на расійскі газ. Сярэднегадавая цана сёлета складзе 165,6 долара за тысячу кубаметраў. У 2011 годзе сярэднегадавая цана для Беларусі склала 265 долараў за тысячу кубаметраў газу, павялічыўшыся на 41,5%.

Чакаецца, што цана на расійскі газ у 2013 годзе складзе 166 долараў, у 2014-м — 178 долараў за тысячу кубаметраў, зыходзячы з формулы, замацаванай у расійска-беларускім пагадненні.

Аляксей Арэшка, БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ