Глядзі таксама: У Гомелі ізноў руйнуюць традыцыйную забудову (фота)
ГМКГА «Талака» шчыра запрашае ўсіх неабыякавых гамельчукоў 27 траўня прыняць удзел у грамадскім абмеркаванні адной з самых актуальных тэмаў з жыцця нашага горада — лёсу гомельскай гістарычнай драўлянай забудовы.
Гістарычная драўляная забудова Гомеля знаходзіцца зараз пад пагрозай поўнага знішчэння. Паводле нядаўна зацверджанага новага генплана развіцця горада ўсю аднапавярховую забудову ў цэнтры горада, нягледзячы на ейную гістарычную, архітэктурную або мастацкую вартасць плануюць знесці.
Відэа belsat.eu
Намаганні гомельскіх гісторыкаў і актывістаў па стварэнні адмысловых ахоўных зонаў або музеяў пад адкрытым небам пакуль застаюцца марнымі.
Публічнае абмеркаванне праблем і перспектыў захавання гістарычнай забудовы нашага горада пройдзе пры актыўным удзеле экспертаў.
Сярод іх:
— старшыня беларускага Таварыства аховы помнікаў гісторыі і культуры Антон Астаповіч
— навуковы супрацоўнік філіяла Веткаўскага музея, эксперт па драўляным дэкоры Гомельшчыны Андрэй Скідан
— выкладчык БелДУТ, краязнаўца і гісторык архітэктуры Яўген Малікаў.
Будзе абмеркаванае шырокае кола пытанняў звязаных з выпрацоўкай плана выратавання нашай гістарычнай спадчыны. Не будзьце абыякавымі! Прыходзьце самі і запрашайце сяброў!
Калі:
27 траўня, 14.30
Дзе:
пакой № 3–3 гасцініцы Надзея» (побач з гасцініцай «Турыст», вул. Галавацкага, 19).
Кантакты:
(44) 7494166 (Яўген Меркіс).