Прынята рашэнне аб выдзяленні Беларусі трэцяга траншу стабілізацыйнага крэдыту з Антыкрызіснага фонду ЕўрАзЭС, паведаміў прэзідэнт Расіі Уладзімір Пуцін падчас падыходу да прэсы паводле вынікаў перамоў з Аляксандрам Лукашэнкам 31 мая ў рэзідэнцыі «Заслаўе».
«Мы прынялі рашэнне аб выдзяленні трэцяга траншу крэдыту (440 млн. долараў ЗША) і пачнем перамовы аб выдзяленні чацвёртага», — сказаў Пуцін.
Кажучы пра развіццё эканамічных адносінаў паміж Беларуссю і Расіяй, ён канстатаваў, што рост тавараабароту за 2012 год ужо склаў 30%. Пуцін падкрэсліў, што бакі чакаюць сур’ёзнай аддачы ад рэалізацыі сумесных праектаў у сферы энергетыкі, машынабудавання і высокіх тэхналогій і асабліва адзначыў праект будаўніцтва беларускай АЭС.
Пуцін паведаміў, што падчас сустрэчы абмеркавана таксама пытанне стварэння холдынгу «РасБелАўта» на базе МАЗа і КАМАЗа.
Закрануўшы палітычнае ўзаемадзеянне дзвюх краін, расійскі кіраўнік адзначыў супольнасць поглядаў Беларусі і Расіі на актуальныя пытанні міжнароднага парадку дня.
«Упэўнены, што ў
Пуцін мяркуе, што сустрэча прайшла ў «дзелавой і вельмі шчырай атмасферы».
* * *
Антыкрызісны фонд ЕўрАзЭС створаны ў 2009 годзе, яго сродкамі кіруе Еўразійскі банк развіцця. У чэрвені 2011 года савет фонду прыняў рашэнне аб выдзяленні Беларусі фінансавага крэдыту ў 3 млрд. долараў ЗША. Да канца мінулага года ў Беларусь паступілі два траншы крэдыту на агульную суму 1,24 млрд. долараў. Трэці транш у 440 млн. долараў ЗША Беларусь чакала у канцы лютага 2012 года.
