У Гродзенскім раёне
Яны разам выпівалі, і мужчыны мелі неасцярожнасць пасмяяцца з малога росту хлапца: маўляў, такіх у войска не бяруць, а калі і бяруць, то выключна ў будбат. Шпэндзік абуў вайсковыя берцы, і давай мясіць крыўдзіцелям. Біў іх па твары і галаве, так паказваў сваю сілу. Суняўся толькі калі яны сціхлі і тады абачыў, што яны нежывыя. Сумеўшыся, ён вывалак целы за вёску. А раніцай, зрабіўшы выгляд, што нічога не ведае, юнак паведаміў аднавяскоўцам пра выпадкова знойдзеныя трупы. Калі міліцыя аднавіла карціну здарэння, хлопец прызнаўся, што проста хацеў самасцвердзіцца.
Цяпер па артыкуле «Забойства» яму пагражае да 20 гадоў турмы, піша газета «Перспектыва».
