Жорсткае забойства
Следства нарэшце скончанае, справа перададзеная ў суд. Як паведамілі карэспандэнту НН ва ўпраўленні Следчага камітэта па Мінскай вобласці,
падазраваныя, муж (1984 г.н.) і жонка (1979 г.н.) давалі супярэчлівыя паказанні, абвінавачваючы ў забойстве дзяўчыны адно аднаго.
Гэта зацягвала следства. Але ў выніку абаім выставілі абвінавачванне па трох артыкулах Крымінальнага кодэкса: пп.6, 13, 15 ч.2 арт.139 (забойства, здзейсненае групай асобаў з асаблівай жорсткасцю з хуліганскіх меркаванняў), ч.2 арт. 205 (крадзеж) і арт. 378 (крадзеж асабістых дакументаў). Падрабязнасцяў — хто канкрэтна наносіў удары і якія рэчы былі скрадзеныя — следчыя не раскрываюць. «Толькі пасля прысуду», — адзначылі ў Следчым камітэце.
Увесь час сямейная пара знаходзілася пад вартай.
Абвінавачаным пагражае вышэйшая мера пакарання.