Ад суботы пачне цяплець.
У суботу паўднёвы цыклон, адыходзячы на поўнач еўрапейскіх раёнаў Расіі, будзе фарміраваць надвор’е толькі на ўсходзе Беларусі. Днём праявіцца ўплыў вобласці павышанага атмасфернага ціску, і надвор’е будзе паляпшацца. Днём па Віцебскай і Магілёўскай абласцях пройдуць кароткачасовыя дажджы і навальніцы, у астатніх раёнах чакаецца пераважна без ападкаў. У нядзелю, 17 чэрвеня, вобласць павышанага атмасфернага ціску будзе асноўным фактарам фарміравання надвор’я. У многіх раёнах краіны будзе пераважна без ападкаў, толькі днём з Польшчы перамесціцца франтальны раздзел, і па паўночным захадзе і захадзе Беларусі ў асобных раёнах пройдуць кароткачасовыя дажджы. Тэмпература паветра пачне павышацца: у дзённы час яна будзе вагацца ад 23 градусаў на поўначы да 30 на поўдні краіны.
У пачатку наступнага тыдня Беларусь будзе знаходзіцца пад уплывам цёплага антыцыклону. Тэмпературы паветра будуць даволі высокімі, прычым пацяплее не толькі ў дзённы, але і ў начны час.Пачынаючы з панядзелка, будзе пераважаць тэмпература ноччу плюс 11–18 градусаў, днём — плюс 23–28. У Брэсцкай і Гомельскай абласцях паветра прагрэецца да 30 градусаў, а ў асобныя дні — да плюс 32. У сераду чакаецца вельмі цёплы дзень: тэмпература паветра ў дзённы час на большай частцы тэрыторыі краіны чакаецца плюс 25–30 градусаў, у Брэсцкай і Гомельскай абласцях — да 33 градусаў.
