У апошнім нумары ў рубрыцы «Цытата дня» дзяржаўная газета «Звязда» прыводзіць словы дэкана гістарычнага факультэта Маскоўскага дзяржаўнага ўніверсітэта Сяргея Карпава.
«Беларуская мова ўжо даўно выкладаецца на філалагічным факультэце МДУ. Цяпер гэтая дысцыпліна ўключана і ў праграму студэнтаў, якія вывучаюць гісторыю постсавецкіх краін.
Нельга вывучаць гісторыю краіны без ведання яе мовы. Таму кожны студэнт, які ў нас вывучае гісторыю Беларусі, вывучае і беларускую мову».
Падобны факт не можа не радаваць і выклікае толькі павагу. Іншая рэч, што ў самой Беларусі гісторыя ўласнай краіны ад 2006 года ў сярэдніх школах выкладаецца па-расейску. А таксама геаграфія. І праз шэсць гадоў Міністэрства адукацыі не раіць чакаць вяртання да абавязковага вывучэння гэтых прадметаў па-беларуску.
0
0
0
0
0
0