Касацыйную скаргу на прысуд журналіст Еўрарадыё Павел Свярдлоў, асуджаны 22 чэрвеня на 15 сутак нібыта за нецэнурную лаянку, накіраваў яшчэ 25 чэрвеня.
Але дакументы да гарадскога суда так і не дайшлі. У адпаведнасці з правіламі, скаргу Павел перадаў адміністрацыі Цэнтра ізаляцыі правапарушальнікаў на Акрэсціна. Адтуль яе мусілі перадаць з кур’ерам у гарадское ўпраўленне міліцыі, а потым — у суд, і таксама з кур’ерам.
Аднак у судзе Цэнтральнага раёна паведамілі, што скаргу там так і не пабачылі. Суд палічыў, што касацыйнай скаргі адваката Свярдлова недастаткова і адклаў разгляд. На які час перанесены разгляд, пакуль невядома.
0
0
0
0
0
0
