Натальля Пінчук, жонка кіраўніка «Вясны» Алеся Бяляцкага, паведаміла, што на гэтым тыдні Партызанскі суд Менску вырашыў канфіскаваць кватэру, дзе працавалі праваабаронцы-вясноўцы, а таксама частку прыватнай маёмасьці. Гэтае рашэньне будзе абскарджвацца».
У Партызанскім судзе Менску паведамілі, што рашэньне суд прыняў 4 ліпеня і яно высланае Алесю Бяляцкаму ў калёнію.
Кіраўнік «Вясны» Алесь Бяляцкі асуджаны на 4,5 года зьняволеньня з канфіскацыяй маёмасьці за ўтойваньне прыбыткаў і адбывае пакараньне ў Бабруйскай калёніі. Алесь Бяляцкі сваёй віны не прызнаў і заявіў у судзе, што атрыманыя ім з-за мяжы грошы ішлі на дапамогу рэпрэсаваным. Праваабаронцы прызналі Алеся Бяляцкага палітвязьнем.
