Колькі зарабляюць простыя людзі ў Чэхіі? Расказвае беларус, які туды пераехаў калі вы жывяце ў іншых краінах, раскажыце, якія ў вас там заробкі 55

Жыву 15 гадоў у невялікім горадзе Ліберэц у Чэхіі, маю многа знаёмых.

Сам я прадпрымальнік (таму мой прыбытак не пазначаю). А вось якія ў Чэхіі чыстыя зарплаты на рукі.

Жонка, настаўніца музыкі, зарабляе 1300 даляраў,

дырэктар яе школы — 2600 даляраў,

знаёмы будаўнік-украінец — 1700 даляраў,

знаёмы прараб-украінец — больш за 3000 даляраў,

гарадавы паліцыянт, малады хлопец, — 1100 даляраў (мала ім плацяць).

Пенсія ў суседкі (працавала бухгалтарам) — 1200 даляраў,

прыбіральшчыца-украінка зарабляе 600 даляраў,

ахоўнік у супермаркеце — 750 (таксама чамусьці мала плацяць у гэтай прафесіі),

рабочы (са стажам) на заводзе аўтазапчастак — 1600,

кіроўца аўтобуса Ліберэц-Берлін (180 км) — 2100 даляраў.

Мінус краіны — няма льготнага жытла. Праўда, ёсць бясплатная адукацыя (як у Беларусі, толькі без размеркавання).

Плюсы — сацыяльная дапамога (200 даляраў на чалавека), дапамога па беспрацоўі ад 300 да 800 даляраў, дапамога на дзіця 450 даляраў. І ўлада ўся змяняецца ад верху да нізу за 2–3 гады.

* * *

Чэхія — славянская краіна. Як і Беларусь, не мае выхаду да мора. І як і Беларусь, доўгія стагоддзі не мела ўласнай дзяржаўнасці, уваходзіла ў склад Аўстра-Венгерскай імперыі. Насельніцтва — 10,5 млн чалавек. Вызвалілася з залежнасці ад СССР у 1989. Ад 1999 у НАТА, ад 2003 у Еўрасаюзе. Не мае намеру пераходзіць на еўра, выбрала захаванне ўласнай валюты, кроны.

даслаў чытач з Чэхіі, праз каменты

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ