Затрыманы КДБ на 3 сутак фатограф шведскіх мядзведзяў і рэдактар сайту Belarusian News Photos Антон Сурапін павінен быць у СІЗА.
Але пры гэтым яго можна бачыць анлайн у сацыяльнай сетцы Укантакце. Магчыма, яго перапіску чытаюць.
Менавіта Антон першым размясціў на сваім сайце bnp.by фота з цацачнымі мядзведзікамі, да якіх былі прымацаваныя парашуты і лозунгі з заклікамі да свабоды слова ў Беларусі.
Раніцай 13 ліпеня да яго дадому прыйшлі супрацоўнікі КДБ. Яны правялі ператрус, пасля чаго тэлефон Антона перастаў адказваць. Толькі позна ўвечары сябра Антона Сурапіна напісаў у сваім Твітары, што следчы патэлефанаваў маці хлопца і паведаміў, што той затрыманы на 72 гадзіны для правядзення праверкі.
0
0
0
0
0
0
