24 ліпеня, пасля таго як набыў моц закон «Аб унясенні змяненняў і дапаўненняў у Кодэкс аб шлюбе і сям’і», у Беларусі спрашчаецца парадак рэгістрацыі шлюбу.
Як паведаміла кансультант упраўлення натарыята і загсаў Міністэрства юстыцыі Алена Мяцельская 19 ліпеня на
Акрамя таго, даецца магчымасць правесці рэгістрацыю шлюбу за межамі памяшкання загса, напрыклад на прыродзе ці ў любым памяшканні, якія абяруць будучыя муж і жонка. Цяпер рэгістрацыя шлюбу праводзіцца органамі ЗАГС па месцы жыхарства адной з асоб, якія бяруць шлюб, ці іх бацькоў.Упершыню замацавана магчымасць ажыццяўляць рэгістрацыю шлюбу ў любым органе ЗАГС па выбары асоб, якія бяруць шлюб.
Як паведаміла Мяцельская, як і раней, для ўзяцця шлюбу асобы падаюць у органы ЗАГС сумесную заяву, падпісаную абодвума бакамі. Калі адна з асоб, якая збіраецца ўзяць шлюб, не можа звярнуцца асабіста, дапускаецца падаванне ў загс натарыяльнага сведчання подпісу асобы. Для рэгістрацыі ж шлюбу абавязковая яўка дзвюх асоб.
Як і раней, пры рэгістрацыі шлюбу ставіцца адзнака ў пашпарце ці дакуменце, што сведчыць асобу.
Як паведаміла начальнік упраўлення прававога рэгулявання сацыяльнай дзейнасці дзяржавы Міністэрства юстыцыі Алена Цалко, закон прадугледжвае магчымасць рэгістрацыі ў органах ЗАГС шлюбаў, зарэгістраваных паміж замежнымі грамадзянамі, калі хаця б адзін з іх мае дазвол на пражыванне ў Беларусі. Цяпер такія шлюбы паміж замежнымі грамадзянамі незалежна ад наяўнасці ў іх дазволу на пастаяннае пражыванне рэгіструюцца ў Беларусі толькі ў дыпламатычных прадстаўніцтвах і консульскіх установах замежных дзяржаў. «На практыцы нярэдкія выпадкі, калі замежныя грамадзяне не маюць ніякай магчымасці ўзяць шлюб у краіне пражывання», — адзначыла Цалко.
Анастасія Янушэўская, БелаПАН.