Раніцай 20 ліпеня ў маці Антона, якая сёння прыехала ў Мінск са Слуцку, нарэшце прынялі перадачу для яе сына.
Нагадаем, што дзве папярэднія спробы поспеху не мелі — у аўторак у КДБ сказалі, што «непрыёмны дзень», а ў сераду заявілі, што прымуць перадачу толькі ад блізкіх сваякоў (маці на той момант вярнулася ў Слуцк і папрасіла сяброў перадаць пакет замест яе).
***
- Нагадаем, што
- Першы допыт журналіста адбыўся 16 ліпеня. 17 ліпеня дзяжурны адвакат, які прысутнічаў на першым допыце, сказаў бацькам Антона, што іх сын затрыманы ў межах расследавання крымінальнай справы аб незаконным перасячэнні дзяржаўнай мяжы РБ, здзейсненым арганізаванай групай асобаў (арт. 371 ч.3 КК РБ). Антона падазраюць у спрыянні гэтым злачынным дзеянням (арт. 16 КК РБ), грунтуючыся на размешчаных ім у інтэрнэце эксклюзіўных фота «шведскіх мядзьведзікаў». Сам Антон пісаў у гэтым матэрыяле, што фота даслаў яму па электроннай пошце невядомы чалавек, якія жыве не ў Мінску.
- 10 сутак утрымання Антона пад вартай скончацца ў панядзелак. Пасля гэтага яму мусяць альбо прад’явіць абвінавачанне, альбо адпусціць на волю. Сваякі і калегі журналіста спадзяюцца ў панядзелак сустрэцца з Антонам.
0
0
0
0
0
0
