Фотарэпартаж Юліі Дарашкевіч.
У Нацыянальным аэрапорце «Менск» прызямліўся самалёт АН-12, які вывез з Самалі трупы загінулых у гэтай краіне беларускіх пілётаў, а таксама эвакуаваў дзесяць тэхнічных супрацоўнікаў авіякампаніі «Трансавіяэкспарт». Пералёт з Арабскіх Эміратаў доўжыўся 9 гадзінаў.
Адразу па прызямленьні самалёт загналі ў ангар. Журналісты, у тым ліку дзяржаўных мэдыяў, не маглі атрымаць аніякай інфармацыі. Больш чым праз гадзіну калёна грузавікоў, гружаных целамі загінулых беларускіх грамадзянаў, рушыла з аэрапорту ў бок Менску.
Даішнікі перакрылі дарогу ўсьлед калёне, таму некалькі дзесяткаў аўтамабіляў, у тым ліку, журналісцкіх, апынуліся блякаванымі на выездзе з аэрапорту.
Целы загінулых даставілі ў морг шпіталя хуткай дапомогі, што на Кіжаватава. Тут адбудзецца апазнаньне целаў.
Разьвітаньне і пахаваньне беларускага экіпажу адбудзецца, па папярэдніх зьвестках, у аўторак.
Цяпер чытаюць
Як склаўся лёс выпускнікоў, якімі журфак ганарыўся 10 гадоў таму? Гісторыя аднаго ўрачыстага калажа29
Каментары