Былы кандыдат у прэзідэнты і былы палітвязень 24 ліпеня атрымаў позву з Ленінскага раённага суда Мінска, згодна з якой мусіць выплаціць 2 мільёны рублёў «за заклікі да эканамічных санкцый».
19 сакавіка і месяцам пазней Дзмітрый Ус двойчы звяртаўся да Рады міністраў ЕС і вярхоўнага прадстаўніка ЕС па замежных справах і палітыцы бяспекі Кэтрын Эштан. Ён лічыць, што санкцыі прывядуць да жорсткіх і хуткіх эканамічных і палітычных рэформаў, зменаў у сферы правоў чалавека і лібералізацыі Выбарчага кодэкса.
Мяркуючы па ўсім, Ленінскі суд завочна вынес прысуд Усу.
Нагадаем, што 22 мая за заклікі да санкцый быў аштрафаваны на 500 тыс. рублёў палітык Віктар Івашкевіч.
