Аляксандар Лукашэнка зьвярнуўся з традыцыйным віншаваньнем з "днём яднаньня Беларусі й Расеі 2 красавіка".
"Дарагія суайчыннікі-беларусы і браты-расіяне!
2 красавіка 1996 года, Дзень падпісання Дагавора аб беларуска-расійскім Супольніцтве, па праву пазначаны ў календары як агульнае свята нашых народаў і стаў для абедзвюх дзяржаў пунктам адліку новага шляху.
У гэтыя гады адносіны паміж Рэспублікай Беларусь і Расійскай Федэрацыяй дынамічна развіваліся па ўсіх напрамках. Аб'ём узаемнага гандлю павялічыўся ў чатыры разы і дасягнуў амаль 20 млрд. долараў. Павысілася эфектыўнасць рэалізацыі сумесных праграм, накіраваных на вырашэнне сацыяльна-эканамічных задач, паглыбленне вытворчай кааперацыі. Распрацаваны і ажыццяўляецца механізм узаемнай абароны і падтрымкі інтарэсаў нашых краін на міжнароднай арэне, захавана і шматразова ўзмоцнена адзіная абаронная прастора, актыўна развіваецца ўзаемадзеянне ў праваахоўнай сферы.
Паслядоўнасць стратэгічнага партнёрства Беларусі і Расіі адпавядае гістарычнаму выбару двух брацкіх народаў і садзейнічае дасягненню галоўнай мэты яднання - павышэнню ўзроўню іх жыцця. Адбыліся сур'ёзныя зрухі ў забеспячэнні роўных правоў грамадзян абедзвюх краін. Пашыраецца гуманітарны абмен, больш сардэчнымі становяцца штодзённыя зносіны беларусаў і расіян.
Усім нам відавочна: аб'ектыўная неабходнасць збліжэння Беларусі і Расіі з гадамі становіцца ўсё больш адчувальнай. Сумесныя крокі ў будучыню патрабуюць ад іх кіраўнікоў дакладных, скаардынаваных дзеянняў, настойлівага пошуку аптымальных варыянтаў уліку нацыянальных інтарэсаў на аснове раўнапраўя і захавання дзвюх дзяржаў.
Мы не маем права зніжаць тэмпы фарміравання адзінай эканамічнай прасторы, мытнага саюза, свабоднага рынку працы, агульнага інфармацыйнага, адукацыйнага і культурнага асяроддзя. Толькі вывераныя, узгодненыя, узаемавыгадныя рашэнні адкрыюць новыя рэальныя магчымасці для ўздыму нацыянальных эканомік, адраджэння палітычнай магутнасці, стварэння дастойнай будучыні нашым нашчадкам.
Дарагія сябры!
Сардэчна віншую вас з гэтым светлым святам - Днём яднання народаў Беларусі і Расіі.
Моцнага вам здароўя, шчасця, міру і дабрабыту.
Старшыня Вышэйшага Дзяржаўнага Савета
Саюзнай дзяржавы, Прэзідэнт
Рэспублікі Беларусь Аляксандр Лукашэнка"