Ультрагукавое даследаванне — адзін з самых папулярных спосабаў дыягностыкі ў медыцыне.З дапамогай УГД можна выявіць захворванні органаў брушной поласці і малога таза, сэрца, суставаў і галавы, а таксама прасачыць за развіццём плода ў цяжарных жанчын.
Прапануем агляд цэнаў на УГД у шэрагу сталічных клінік.
Самыя танныя паслугі ў дзяржаўных цэнтрах. Так, УГД сэрца ў Мінскім
Даследаванне органаў брушной поласці ў МКДЦ каштуе каля 79 000 рублёў, у «Кравіры» і «Еве» па 140 000, а вось у «ЛАДЭ» і «Лекары» паслуга каштуе ўтрая даражэй — 239 і 221 тысяча рублёў.
Даследаванне органаў малога таза (гінекалогія) самае таннае ў МКДЦ і «ЛАДЭ» — 65 000 і 93 000 рублёў. Самае дарагое з нашага спісу — у «Кравіры» — 130 000 рублёў.
УГД сасудаў шыі і галаўнога мозгу каштуе ад 130 тысяч (МКДЦ) да 200 («Лекар»).
Як правільна падрыхтавацца да УГД
Ад гэтага залежаць дакладнасць і аб’ектыўнасць вынікаў даследавання.
Перад УГД органаў брушной поласці і ультрагукавым дуплексным сканаваннем сасудаў нырак неабходна на працягу 6–7 гадзін нічога не есці і не піць, не ўжываць жавальную гумку, не паліць цыгарэты. Пры схільнасці да метэарызму і падвышанай масе цела за 3 дні да даследавання нельга піць газаваныя напоі, малако, есці чорны хлеб, бабовыя, капусту. Пры гэтым трэба ўжываць актываваны вугаль і ферментныя прэпараты.
УГД мачавога пузыра, органаў мужчынскага і жаночага малога таза праводзіцца пры напоўненым мачавым пузыры. Агляд малога таза ў жанчын трансвагінальным (унутраным) датчыкам праводзіцца пасля апаражнення мачавога пузыра.
Не патрабуецца папярэдняя падрыхтоўка перад УГД сасудаў (артэрый або венаў) канечнасцяў, магістральных сасудаў, шчытападобнай залозы, малочных залозаў, суставаў, мяккіх тканак, нырак, органаў машонкі, слінных залоз, вочных яблыкаў і сэрца.
***
Варта памятаць, што даследаванні карыстаюцца рознай папулярнасцю, адпаведна, чэргі на некаторыя УГД даўжэйшыя. На працягласць чаргі можа ўплываць і наяўнасць адпаведных спецыялістаў у цэнтрах. У любым выпадку, актуальную інфармацыю пра цэны і чэргі можна даведацца ў адміністратараў цэнтраў.
Ультрагукавое даследаванне — неінвазіўны, або бяскроўны, спосаб даследавання арганізма. Гэта значыць, што пры абследаванні на скуру пацыента не аказваецца ўздзеянне хірургічнымі інструментамі. Асноўным інструментам з’яўляюцца ультрагукавыя хвалі.
