Сірыйскі касманаўт-апазіцыянер знайшоўся ў беларускім дзембельскім альбоме — фоты 1

Савецка-сірыйскі экіпаж у катары, перад спускам на ваду. Махамед Ахмед Фарыс — у цэнтры, з вусамі.

Моманты трэніровак савецка-сірыйскага экіпажу.

Моманты трэніровак савецка-сірыйскага экіпажу.

Махамед Ахмед Фарыс дае інтэрв’ю праграме «Час». Праваруч стаіць яго дублёр. За спіной у іх трэніровачны макет спускальнага касмічнага апарата.

«Прачытаў навіну «Першы сірыйскі касманаўт далучыўся да апазыцыі» і рука пацягнулася да майго дзембельскага альбома,

— піша даўні чытач «Нашай Нівы» Андрэй Аляхновіч. — Так і ёсць! Гэта ж ён — Махамед Ахмед Фарыс у нас на караблі праходзіць разам са сваім дублёрам і савецкімі касманаўтамі трэніроўкі на прывадненне».

Звычайна касманаўты прызямляліся на Байкануры, але ж маглі (у некаторых выпадках) і прывадняцца. Вось на такі выпадак экіпажы праходзілі адпаведныя трэніроўкі,

тлумачыць чытач.

Гэта было летам 1988 года на Чорным моры, ля Феадосіі, дзе спадар Аляхновіч у той час праходзіў тэрміновую вайсковую службу на караблі «Ямал».