Скайп і паштовую скрыню прафсаюза РЭП узламалі 1

У пятніцу, 3 жніўня, замежныя калегі прафсаюза РЭП выявілі, што ад імя актывістаў прафсаюза адказваюць іншыя людзі.

Кіраўнік міжнароднага аддзела партнёрскай арганізацыі прафсаюза РЭП — найбуйнейшага прафсаюза Даніі 3 °F — Мэдсен Лунд 3 жніўня атрымаў паведамленне па скайпе ад імя прафсаюза РЭП з просьбай даслаць дакументы з подпісам старшыні Генадзя Фядыніча. Акрамя таго ў паведамленні утрымлівалася інфармацыя аб тым, што лідар прафсаюза РЭП знаходзіцца ў шпіталі з сардэчным прыступам.

Мэдсен Лунд быў здзіўлены і вырашыў задаць пытанні асабістага характару, пра якія маглі ведаць толькі супрацоўнікі прафсаюзнага офіса.

Адказу не было. І ў гэты ж час гэтыя ж самыя пытанні з скайпа прафсаюза РЭП былі зададзены тым, хто знаходзіўся ў спісе кантактаў прафсаюзнага скайпа. Людзі пачалі звязвацца з офісам і ўдакладняць, у чым справа, паколькі гэта выглядала дзіўна.

Так, прэс-сакратару прафсаюза РЭП Мікалаю Герасіменку задалі пытанне аб тым, якія сувеніры прывёз Генадзь Фядыніч сваім дацкім калегам падчас візіту ў Капенгаген ў чэрвені.

Яшчэ ў аднаго актывіста спыталі, у якім рэстаране быў арганізаваны вячэра падчас гэтага візіту.

— Варта адзначыць, што людзі, якія атрымалі паведамленні ад імя прафсаюза РЭП, хутка здагадаліся, што сітуацыя выклікае падазрэнне, — распавёў Мікалай Герасіменка. — У канцы дыялогу мой калега прапанаваў суразмоўцам не марнаваць час і сілы на непатрэбную актыўнасць, а заняцца гэтым справай і надзейна ахоўваць межы нашай Радзімы. Адказам стала фраза «смяецца той, хто смяецца апошнім». Праўда яе адразу выдалілі.

praca-by.info

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ