Прэс-сакратар МЗС Беларусі Андрэй Савіных назваў «паклёпам» меркаванні аб тым, што ў шведаў ёсць падставы быць асцярожнымі ў Беларусі.
«Гэта звычайны паклёп. Нават дзіўна, што шведскае МЗС апускаецца да такога ўзроўню. Гэта лішні раз даказвае, што яны зусім не разумеюць Беларусь. Усе, хто хоць трохі ведаюць нашу краіну і не спрабуюць яе мэтанакіравана дэманізаваць, разумеюць, што такія інцыдэнты ў нас немагчымыя. Зрэшты, можа быць, яны чулі штосьці пра дзеянні польскіх
Раней пасольства Швецыі ў Мінску на шведскамоўнай старонцы свайго сайта паведаміла пра атрыманыя пагрозы ў адрас шведаў, што знаходзяцца ў Беларусі. На сайце, у прыватнасці, гаворыцца: «Беларусь, як правіла, бяспечнае месца», але ў сувязі з апошнімі падзеямі ў
МЗС Швецыі пакуль не мае звестак пра інцыдэнты са шведскімі грамадзянамі на тэрыторыі Беларусі, паведаміў «Радыё Швецыя» прадстаўнік гэтага ведамства.Разам з тым, дапоўніў ён, дыпламатычны канфлікт паміж краінамі вымушае шведскае МЗС заклікаць сваіх грамадзян да асцярожнасці ў Беларуcі.
Паводле даных МЗС Швецыі, у Беларусі «жывуць з дзясятак шведскіх грамадзян, штогод выдаецца прыкладна 3.500 віз на наведванне Беларусі шведскімі грамадзянамі».
Дыпламатычны канфлікт паміж Мінскам і Стакгольмам разгарэўся пасля таго, як 1 жніўня беларускія ўлады інфармавалі Швецыю аб непрадаўжэнні акрэдытацыі паслу Стэфану Эрыксану. Дыпламата абвінавацілі ў дэструктыўнай дзейнасці. У адказ на гэта шведскія ўлады заявілі, што не прымуць новага пасла Беларусі, і рэкамендавалі двум супрацоўнікам беларускага пасольства пакінуць Стакгольм.
8 жніўня МЗС Беларусі абвясціла аб адкліканні ўсіх супрацоўнікаў беларускага пасольства ў Стакгольме. Шведскаму боку рэкамендавана распачаць аналагічныя меры і адклікаць усіх сваіх дыпламатаў з Мінска да 30 жніўня.
