Квіткі на матч БАТЭ — «Хапаэль» паступяць у продаж у суботу + схема стадыёна

Касы барысаўскага гарадскога стадыёна адчыняцца ў 11.00 18 жніўня, сталічнага «Дынама» — у 14.00.\

Яны будуць працаваць: Барысаў: субота, нядзеля, панядзелак — з 11.00 да 17.00 (абед — 14.00–15.00). Мінск: субота — з 14.00 да 21.00, нядзеля — з 10.00 да 21.00, панядзелак, аўторак — з 9.00 да 21.00, серада — з 9.00 да 22.15 (без перапынку на абед), паведамляе афіцыйны сайт барысаўскага клуба.

Цана квіткоў залежыць ад катэгорыі: 1-я — 50 000, 2-я — 30 000, 3-я — 20 000 рублёў.

У Барысаве будуць прадавацца квіткі на сектары 1 (ад 20 шэрагу і вышэй), 2 (1-я катэгорыя), 3, 4 (2-я катэгорыя) і 6 (3-я катэгорыя).

У Мінску — на сектары 13, 14, 28 (ад 20 шэрагу і вышэй), 29 (ад 20 шэрагу і вышэй) (1-я катэгорыя), 12, 15, 26, 27 (2-я катэгорыя), 25 (3 -я катэгорыя).

Сектар 5 зарэзерваваны за фанатамі БАТЭ, сектар 10 — за ізраільскімі заўзятарамі.

Матч плэй-оф кваліфікацыі Лігі чэмпіёнаў БАТЭ (Барысаў) — «Хапаэль» (Кір’ят-Шмона) пройдзе 22 жніўня ў Мінску на стадыёне «Дынама» і пачнецца ў 21:45.

Матч у адказ пройдзе ў Ізраілі 28 жніўня. Пераможца двубою выйдзе ў групавы турнір Лігі чэмпіёнаў, каманда, што прайграе, будзе гуляць у групавым турніры Лігі Еўропы.

Схема сектароў стадыёна «Дынама»

БАТЭ пачынаючы з восені 2008 года пастаянна гуляе ў групавых турнірах ЛЧ і ЛЕ. У 2008/2009 і 2011/2012 барысаўскі клуб выступаў у групавым турніры Лігі чэмпіёнаў, у 2009/2010 і 2010/2011 — у групавым турніры Лігі Еўропы. У любым выпадку беларусаў чакае вялікая футбольная восень. Пытанне толькі якая.

nn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ