У Бішкеку каля пасольства Беларусі вечарам 22 жніўня адбыўся мітынг грамадскага аб’яднання «Мекен шэйітэры», якое патрабуе ад беларускіх улад экстрадыцыі Жаныша Бакіева, брата былога прэзідэнта Кыргызстана Курманбека Бакіева, які скрываецца ў Мінску.
Як паведамляе кыргызскае інфармацыйнае агенцтва АКИpress, мітынгоўцы спрабавалі трапіць на тэрыторыю пасольства і ўручыць ліст з патрабаваннем экстрадыцыі Жаныша Бакіева. Пасля сваркі сваякоў загінулых у красавіцкіх падзеях з міліцыянерамі работнік пасольства запрасіла чатырох прадстаўнікоў з ліку мітынгоўцаў у будынак пасольства, каб выслухаць іх патрабаванні і прыняць адпаведны зварот.
Аб’яўлены ў міжнародны вышук Жаныш Бакіеў нядаўна быў заўважаны і сфатаграфаваны ў кафэ ў цэнтры Мінска з яшчэ двума падазраванымі ў трайным забойстве.Як паведаміла галоўнае ўпраўленне крымінальнага вышуку (ГУКВ) МУС Кыргызскай Рэспублікі, «здымак зроблены відавочцамі ў цэнтр Мінска каля элітнага беларускага кафэ „Грунвальд“ на вуліцы Карла Маркса, непадалёк ад Адміністрацыі прэзідэнта Рэспублікі Беларусь». «На ім грамадзяне Кыргызскай Рэспублікі, аб’яўленыя ў міждзяржаўны вышук, — былы старшыня Службы дзяржаховы Жаныш Бакіеў, а таксама яго аднакурснік і
Паводле звестак ГУКВ, усе трое з’яўляюцца асноўнымі падазронымі ў забойстве былога кіраўніка Адміністрацыі прэзідэнта Кыргызстана Медэта Садыркулава, яго вадзіцеля Кубата Сулайманава і дырэктара Міжнароднага інстытута стратэгічных даследаванняў Сяргея Слепчанкі. Таксама паведамляецца, што кіраўніцтва ГУКВ МУС «некалькі разоў адпраўляла запыт у праваахоўныя органы Беларусі аб месцазнаходжанні асоб, якія адшукваюцца, і кожны раз атрымлівала адказ, што звестак аб гэтых асобах няма».
