Нацыянальная зборная Беларусі стартавала ў адборы да чэмпіяната
На справе ж атрымліваецца, што які раз пра роўных магчымасцях нашы атрымліваюць «баранку». Так было пры Штанге, цяпер паўтараецца з Кандрацьевым. У першым тайме цудоўныя моманты ўпусцілі Сяргей Балановіч і Антон Пуціла. Увогуле, беларусы былі бліжэй да гола.Першы тайм азмрочыўся толькі траўмамі Паўла Няхайчыка і Максіма Жаўнерчыка. Абодвух трэнер быў вымушаны замяніць. У другім тайме на насілках яшчэ вынеслі з поля Яна Цігарава.
Другі тайм зноў пачаўся з атак нашай зборнай. Але забілі грузіны. Тарніке Акрыашвілі пакінуў сваім фінтом у дурнях адразу трох беларусаў (Пуцілу, Верхаўцова і Цігарава) і спакойна пакаціў мяч міма Верамка — 1:0.
Калі беларусы апынуліся ў ролі, што адыгрываецца, вастрыня ў атацы кудысьці прапала. Запомніўся толькі роспачны ўдар абаронцы Максіма Бардачова. Грузіны перамаглі і не скажаш, што не заслужана.БАТЭ ў гэтым адборачным цыкле да Лігі чэмпіёнаў паказаў, як трэба гуляць да апошняй хвіліны. Чатыры з дзевяці галоў каманда забіла ў кампенсаваны час, зборнай такой канцэнтрацыі і прагі барацьбы не хапае.
У аўторак хлопцы Кандрацьева правядуць матч з Францыяй у Парыжы. Пачатак а 22:00.
Французы сёння выйгралі ў гасцях у Фінляндыі 1:0 (Абу Дыабі, 20-я хвіліна).
0
0
0
0
0
0