Свет11

У Барселоне паўтара мільёна чалавек патрабавалі незалежнасці Каталоніі

Такія дэманстрацыі праходзяць штогод, але гэтая была найбуйнейшай у гісторыі.

Каля 1,5 млн чалавек узнялі ўдзел у дэманстрацыі ў падтрымку незалежнасці ад Іспаніі. Сотні тысяч сабраліся ў цэнтры горада, размахваючы сцягамі Каталоніі і сцягамі руху за незалежнасць, паведамляе ВВС. Акрамя незалежнасці дэманстранты патрабавалі змены падатковага заканадаўства Іспаніі.

Дэманстрацыі праходзяць 11 верасня, у гадавіну аблогі Барселоны падчас вайны за іспанскую спадчыну 300 гадоў таму. Сёлета яе маршрут давялося змяніць, бо на вуліцы выйшла значна больш людзей, чым чакалі арганізатары.

Альфрэд Боск, чалец парламента ад Левай рэспубліканскай партыі Каталоніі, заявіў, што бачыў толькі сцягі руху за незалежнасць — ён падобны да звычайнага каталонскага сцягу, але з сінім трохкутнікам злева, у цэнтры якога размешчаная белая зорка.

«Усе неслі гэтыя сцягі. За ўсё сваё жыццё я не бачыў столькі сцягоў руху за незалежнасць», — сказаў парламентарый.

Велізарная колькасць народу прывяла да таго, што на некалькі гадзін адмовілі сістэмы мабільнай сувязі.

Пытанне пра падаткі

Эканамічны крызіс у Іспаніі, у выніку якога кожны чацвёрты жыхар краіны аказаўся без працы, прывёў да таго, што Каталонія цяпер патрабуе не толькі палітычнай аўтаноміі ад Мадрыда, але і фінансава-бюджэтнай незалежнасці.

Каталонія — самы багаты рэгіён Іспаніі, які прадстаўляе 20% іспанскай эканомікі, патрабуе права самастойна спаганяць падаткі і траціць гэтыя сродкі.

У жніўні Каталонія запатрабавала ад Мадрыда фінансавай дапамогі ў памеры пяці мільярдаў еўра, бо, на думку Барселоны, менавіта на гэтую суму Каталонія фінансуе астатнія рэгіёны краіны з падаткаў, што спаганяюцца на яе тэрыторыі.

Цяпер эканоміка Каталоніі, як і іншых рэгіёнаў Іспаніі, адчувае цяжкасці.

У гэтым годзе ўраду Каталоніі давялося фінансаваць дзяржаўную пазычанасць на суму ў 13 мільярдаў еўра.

Мадрыдскі карэспандэнт Бі-бі-сі паведамляе, што ва ўрада Каталоніі на дадзены момант ледзь хапае грошай на зарплаты дзяржслужбоўцаў.

Прыхільнікі незалежнасці ці большай аўтаноміі Каталоніі сцвярджаюць, што Барселона плаціць занадта шмат падаткаў Мадрыду, атрымліваючы недастаткова наўзамен.

Прэм’ер-міністр Іспаніі Марыяна Рахой, са свайго боку, сцвярджае, што незалежнасць Каталоніі ніяк не дапаможа спробам краіны пазбегнуць эканамічнага калапсу.

Кіраўнік урада Каталоніі Артур Мас і Марыяна Рахой павінныя сустрэцца 20 верасня.

Каментары1

Цяпер чытаюць

Мяркуючы па пасажыраабароце транспарту, насельніцтва Беларусі з 2019-га скарацілася, можа, нават на 1,2 мільёна чалавек9

Мяркуючы па пасажыраабароце транспарту, насельніцтва Беларусі з 2019-га скарацілася, можа, нават на 1,2 мільёна чалавек

Усе навіны →
Усе навіны

Польку затрымалі ў Гданьску за абразу беларускі4

Жыхары «Новай Баравой» выступілі супраць цырка-шапіто ў іх раёне. Чым скончылася?6

Прарасійская актывістка Мірсалімава патлумачыла, чаму нельга забараняць чытаць «экстрэмісцкія» выданні5

Злоўленая ў Сеніцы жывёліна аказалася шалёным ваўком. У міліцыі расказалі падрабязнасці5

Як упарадкавалі сквер Амара Хаяма ў Мінску

Жанчына займалася сэксам з будысцкімі манахамі, а пасля шантажавала іх13

Беларускі школьны настаўнік расказаў, колькі зарабляе на ферме ў Нідэрландах

МЗС Літвы накіравала Беларусі ноту пратэсту з-за расійскага дрона

«Гэта хлеб ці клей?»: жыхарка Баранавічаў абурылася якасцю прадукцыі хлебазавода9

больш чытаных навін
больш лайканых навін

Мяркуючы па пасажыраабароце транспарту, насельніцтва Беларусі з 2019-га скарацілася, можа, нават на 1,2 мільёна чалавек9

Мяркуючы па пасажыраабароце транспарту, насельніцтва Беларусі з 2019-га скарацілася, можа, нават на 1,2 мільёна чалавек

Галоўнае
Усе навіны →

Заўвага:

 

 

 

 

Закрыць Паведаміць