Скраў залаты бранзалет за 12 млн — і прадаў за мільён 1

У Мінску раскрыта крадзеж залатога бранзалета коштам 12,5 мільёна рублёў.

Крадзеж быў здзейснены 13 жніўня з ювелірнай крамы на вуліцы Камсамольскай.

Пра гэта паведамілі ў ГУУС Мінгарвыканкама.

Злачынца дастаў бранзалет з вітрыны з дапамогай тонкага металічнага дроту.

10 верасня ў выніку цэлага комплексу аператыўна-вышуковых мерапрыемстваў падазраваны ў здзяйсненні крадзяжу быў затрыманы.

Першапачаткова супрацоўнікі крымінальнага вышуку Цэнтральнага РУУС вычленілі дастаткова шырокае кола магчымых падазраваных, аднак

аператыўнікаў зацікавіў неаднаразова судзімы 42-гадовы жыхар Віцебска, які вызваліўся з месцаў пазбаўлення волі ў лютым гэтага года.

Падчас першага ж надгляду ў затрыманага быў знойдзены бранзалет, выкрадзены з іншай ювелірнай крамы.

Затрыманы не адмаўляў свайго дачынення да крадзяжу і з крамы па Камсамольскай.

Высветлілася, што выкрадзены залаты бранзалет ён рэалізаваў прадаўцу гародніны на адным з рынкаў усяго за мільён рублёў.

Амаль уся выручка была выдаткаваная на набыццё наркотыкаў. Супрацоўнікі крымінальнага вышуку Цэнтральнага РУУС ўжо знайшлі пакупніка залатога бранзалета. Ювелірны выраб ў яго канфіскаваны.

Матэрыял праверкі па гэтай справе перададзены ў раённы аддзел следчага камітэта для дачы прававой ацэнкі.

Вячаслаў Будкевіч, БелаПАН.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ