Рыхтуюць першы беларуска-літоўскі слоўнік 8

Пасол Літвы ў Беларусі Лінас Лінкявічус

Урад Літвы сумеснымі высілкамі з пасольствам ў Беларусі вырашыў падрыхтаваць першы беларуска-літоўскі слоўнік. Пра гэта ў чацвер паведамілі BNS ва ўрадзе.

У слоўнік у інтэрнэце ўвойдзе каля 15 000 слоў беларускай мовы з перакладам на літоўскую. У слоўніку будуць пададзеныя прыклады выкарыстання слоў, граматычная і стылістычная інфармацыя.

Слоўнік плануюць падрыхтаваць да 2014 года.

«Беларуска-літоўскі слоўнік будзе карысны для беларускай грамады ў Літве і літоўцам, якія жывуць у Беларусі, а таксама філолагам, перакладчыкам абедзвюх краін і ўсім, хто цікавіцца культурай, гісторыяй і традыцыямі гэтыя краін», — сказана ў паведамленні ўрада.

«Гэта лагічны працяг тых крокаў, якія рабілі да гэтага часу. У 2010 годзе пасольства выдала „Граматыку літоўскай мовы“ на беларускай, у 2011 годзе — размоўнік, але да гэтага часу не было прафесійных падручнікаў і слоўнікаў.

У дадзеным выпадку гаворка ідзе пра слоўнік у інтэрнэце, што вельмі важна — даступны падыход, дэмакратычна. Гэта ініцыятыва ўрада, і мы пачалі яе ажыццяўляць сёлета і завершым ў 2014 годзе. Лічым, што траціну ўсёй працы зробім сёлета», — сказаў BNS пасол Літвы Лінас Лінкявічус.

Delfi.lt

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ