«Мотавела» прадставіла 30 мадэляў веласіпедаў калекцыі наступнага года
Ёсць і класічныя дарожныя, і горныя, і шасейныя, і гарадскія мадэлі.
5 кастрычніка ў культурна-спартыўным комплексе "Мінск-Арэна" адбылася прэзентацыя калекцыі веласіпедаў AIST 2013 года.
Калекцыя складаецца з трыццаці мадэляў у розных катэгорыях: класічны дарожны, горны, шасэйны і гарадскі.Усе мадыфікацыі адрозніваюцца сучасным дызайнам і збалансаванай камплектацыяй.
У прэзентацыі ўзялі ўдзел прадстаўнікі Міністэрства гандлю, прадпрыемстваў Белкаапсаюза, Мінгарвыканкама, спецыялізаванай розніцы.
Веласіпеды AIST — прадукцыя мінскага ААТ "Мотавела", аднаго з вядучых вытворцаў вела- і мотатэхнікі на тэрыторыі СНД.
Гісторыя веласіпеднай маркі AIST, якая аб'яднала за 65 гадоў не адно пакаленне аматараў веласіпедаў, вядзе адлік з 1948 года.Сёння AIST актыўна ўдзельнічае ў розных сацыяльных праектах, з'яўляецца афіцыйным партнёрам чэмпіянату свету 2013 года па веласіпедным спорце на трэку, які пройдзе ў Мінску, тэхнічным партнёрам нацыянальнай зборнай Беларусі па веласпорце.
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць15
Каментары