У найбліжэйшыя суткі — дажджы

Згодна з прагнозам Рэспубліканскага гідраметэацэнтра, 11 кастрычніка ў Беларусі чакаецца воблачна з праясненнямі. Ноччу месцамі, днём на большай частцы тэрыторыі кароткачасовыя дажджы. У начныя і ранішнія гадзіны ў асобных раёнах слабы туман. Вецер паўднёва-заходні 4–9 м/с. Тэмпература паветра мінімальная ноччу плюс 1–6°С, на тарфяніках Палесся замаразкі да 0 — мінус 3°С,

максімальная днём плюс 5–11°С.

У Мінску 11 кастрычніка воблачна з праясненнямі. Ноччу без істотных ападкаў, днём кароткачасовыя дажджы. Вецер паўднёва-заходні 4–9 м/с. Тэмпература паветра мінімальная ноччу плюс 2–4°С, максімальная днём плюс 7–9°С.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ