У Навінках на тэрыторыі праваслаўнага манастыра будуць 3-павярховую прыбіральню? — фота 11
Пра гэта сведчыць пашпарт аб’екта каля недабудаванага будынка, які нагадвае катэдж.
«У пасёлку Навінкі будуюць дзіўны аб’ект, — паведаміў на „Гарачую лінію“ партала TUT.BY чытач Яраслаў. — Вонкава ён падобны на трохузроўневы катэдж з гаражом ў цокальным паверсе. А ў пашпарце аб’екта напісана, што гэта — грамадская прыбіральня».
Карэспандэнт выехаў у пасёлак Навінкі. Аб’ект, пра які распавёў наш чытач, знайшоўся каля плота Рэспубліканскага навукова-практычнага цэнтра псіхічнага здароўя — на самай мяжы «ўладанняў» псіхіятраў і праваслаўных манашак з Свята-Елісавецінскага манастыра.
Калі верыць пашпарту аб’екта, то будуецца ў Навінках «грамадская прыбіральня з адміністрацыйна-бытавымі памяшканнямі па вул. Выгоцкага ў складзе кляштарнага комплексу Свята-Елісавецінскага манастыра г. Мінска». Праўда, пры бліжэйшым разглядзе ў контурах будынка (ён складаецца з двух традыцыйных паверхаў і аднаго мансарднага) грамадская прыбіральня пакуль ніяк не праглядаецца: ён сапраўды больш падобны на жылы катэдж.
Высветліць, чаму для грамадскай прыбіральні быў абраны настолькі дзіўны архітэктурны праект, так і не атрымалася: відавочна, па прычыне выхаднога дня пазначаны ў пашпарце аб’екта тэлефон прараба не адказваў.
Можа, будаўнічая арганізацыя памылілася з назвай аб’екта?
