Сенат ЕГУ асудзіў звальненне гісторыка Андрэя Чарнякевіча

Сенат Еўрапейскага гуманітарнага ўніверсітэта, што працуе ў Вільні, прыняў рэзалюцыю з асуджэннем рашэння Гродзенскага дзяржаўнага ўніверсітэта імя Янкі Купалы аб звальненні вядомага беларускага гісторыка Андрэя Чарнякевіча.

Па версіі ГрДУ імя Янкі Купалы, яго звальненне было выкліканае «сістэматычным парушэннем працоўнай дысцыпліны».

Сенат ЕГУ лічыць гэтае рашэнне парушэннем акадэмічных свабод, якое не павінна мець месца ў сучаснай Еўропе,

і выказвае сваю падтрымку гісторыку, чые працы атрымалі міжнароднае прызнанне. Чарнякевіч з’яўляецца адным з аўтараў нядаўна выдадзенай кнігі «Гродназнаўства», якая завяршаецца этапам дасягнення Беларуссю незалежнасці і не ахоплівае перыяду станаўлення аўтарытарнага рэжыму Аляксандра Лукашэнкі, паведамляе прэс-служба ЕГУ.

Дарэчы, на сайце «Нашай Нівы» пад адкрытым лістом у абарону Андрэя Чарнякевіча, ініцыяваным гісторыкамі Аляксандрам Краўцэвічам і Алесем Смаленчуком, падпісалася 400 чалавек.

nn.by

Хочаш падзяліцца важнай інфармацыяй ананімна і канфідэнцыйна? Пішы ў наш Тэлеграм