Аляксандр Лукашэнка 15 кастрычніка, прымаючы з дакладам прэм’
«Наколькі гэта магчыма, я адсочваю сітуацыю на валютным рынку. Мяне, вядома, задавальняе, што там ужо адбыўся пералом пасля гэтых палітычных вэрхалаў і дзеянняў нашай так званай апазіцыі, якая запалохвала насельніцтва праз СМІ і Інтэрнэт, спараджаючы нейкія дэвальвацыйныя чаканні,— сказаў Лукашэнка. — Ужо можна сказаць тыдзень сітуацыя зламаная, і тры апошнія дні Нацыянальны банк валюту скупляў. Гэта добры сігнал на ўмацаванне беларускага рубля, гэта трэба рабіць».
«Наша нацыянальная валюта павінна быць не залішне трывалай і моцнай, каб экспарт не паваліць,але і штучна ва ўгоду нейкіх палітычных момантах нам не трэба яе аслабляць. Таму Нацыянальны банк праводзіць абсалютна правільную палітыку», — адзначыў Лукашэнка.
«Мы бачым, што ўжо і сярод прадпрымальнікаў адбыўся паварот. Яны таксама пачынаюць гандляваць фактычна па курсе Нацыянальнага банка і нават ніжэйшым», — канстатаваў Аляксандр Лукашэнка.
Трэба зараз напружыцца па экспарце, памяншаць дэбіторскую запазычанасць, больш прадаваць і спыніць усе гэтыя размовы: „«Але я гэта кажу не да таго, каб супакоіць. Пытанне ў тым, што, калі намеціўся поспех на нейкім напрамку, кажучы вайсковай мовай, яго трэба развіваць.
«Трэба проста працаваць, каб не адбылося так, як гэта было на «Камунарцы».А такіх прадпрыемстваў у нас дастаткова, дзе мы проста губляем грошы, каб дагадзіць нейкім незразумелым інвестарам, якія жывуць ці то ў Амерыцы, ці то ў Расеі, не тое яшчэ дзесьці «, — заўважыў Лукашэнка.
«Я хачу, каб вы запрасілі міністраў, якія займаюцца матэрыяльнай вытворчасцю, і жорстка перад імі паставілі пытанне.Бо пойдуць усе, як Данчанка, кіраваць дрэннымі стратнымі прадпрыемствамі», — сказаў Аляксандр Лукашэнка.
«Гэта ж не справа, што мы нейкімі макраэканамічнымі намаганнямі спрабуем ўтрымаць гэты курс. Усё ў матэрыяльным вытворчасці: вырабіў, прадаў, атрымаў грошы на знешніх рынках. І будзе нармальная сітуацыя.Трэба тыя станоўчыя тэндэнцыі, якія адбываюцца на валютным рынку, замацаваць у матэрыяльным вытворчасці. Гэта галоўная на сённяшні дзень задача Нацыянальнага банка і ўрада», — даручыў Лукашэнка.
Як далажыў Міхаіл Мясніковіч, у цэлым эканоміка працуе стабільна.