21 кастрычніка Ізраіль і ЗША пачынаюць найбуйнейшыя ў гісторыі двухбаковай супрацы ваенныя вучэнні, — перадае карэспандэнт Радыё Свабода Эла Котлер.
На вучэньнях у многіх раёнах Ізраіля будуць адпрацоўвацца сцэнары абстрэлаў тэрыторыі краіны ракетамі рознай далёкасьці. Назва манэўраў, якія будуць працягвацца каля трох тыдняў — «Суровы выклік 2012». У іх прымуць удзел сілы супрацьракетнай і супрацьпаветранай абароны — каля тысячы ізраільскіх і 3500 амэрыканскіх вайскоўцаў.
Улады адзначаюць, што «плянаваньне манэўраў пачалося больш за два гады таму, і яны не зьвязаныя з канкрэтнымі падзеямі ў рэгіёне».
На нядзелю ў Ізраілі былі прызначаныя і агульнанацыянальныя вучэньні «Паваротная кропка 6», з мэтай падрыхтоўкі грамадзянаў, органаў улады і выратавальных службаў да магутнага землятрусу. У вучэньнях плянаваўся ўдзел кіраўніцтва тылу, органаў мясцовай улады, урадавых структураў, ўпраўлення па надзвычайных сытуацыях.
Плянуецца таксама праверка сыстэмы хуткага апавяшчэньня з дапамогай сотавай сувязі і схемы хуткага выхаду ў тэле- і радыёэфір.