Garbage прывязуць у Мінск новы альбом

Адзін з галоўных гуртоў 90-х — Garbage (на мінскіх афішах яны называюцца «Габідж», што досыць спрэчна) — упершыню адыграе канцэрт у Беларусі.

Рэч не толькі ў чароўным гучанні вакала Шырлі Мэнсан і ў тым, што гурт таленавіта пакпіў з поп-музыкі 90-х, стварыўшы новы стыль, які самі музыкі называюць «навуко-фантастычны поп».

Сакрэт папулярнасці яшчэ і ў пачуцці меры — за 20 год існавання, Garbage запісалі ўсяго пяць альбомаў, але затое якіх!

Песні Stupid Girl і Only Happy When It Rains чулі бадай што ўсе — дакіньце да гэтага хіт айчыннага fm-эфіру The World is not Enough з чарговага фільма пра Бонда. І становіцца зразумела, чаму гэтая музыка не знікла разам з некаторымі героямі 90-х.

Апошнім часам яны вандруюць па планеце з прэзентацыяй новага альбома — Not Your Kind of People, які выйшаў мінулай вясной.

Цяпер музыкі дабраліся і да Мінска — вялікі канцэрт Garbage адбудзецца 13 лістапада ў Палацы спорту. Квіткі ад 350 000 да 770 000 рублёў.

ЮУ

Хочаш падзяліцца важнай інфармацыяй ананімна і канфідэнцыйна? Пішы ў наш Тэлеграм