Пра гэта ў часе
Адказваючы на пытанне аб спрадвечным канфлікце «пешаход — кіроўца», Вадзім Гаркун паведаміў, што за 10 месяцаў бягучага года ў Мінску загінулі 57 чалавек, 2/3 загінуўшых пешаходаў самі вінаватыя ў трагедыях. Гаворачы аб выкананні патрабаванняў дарожных знакаў, якія забараняюць паркоўку, намеснік начальніка гарадской ДАІ ў чарговы раз заўважыў, што немагчыма каля кожнага знака або скрыжавання паставіць супрацоўніка ДАІ. Акрамя таго, па падліках дарожных інспектараў, на сёння ў Мінску рухаюцца каля мільёна транспартных сродкаў. Пры гэтым сталіца мае усяго 140 тысяч парковачных месцаў. «Праблему трэба разглядаць комплексна, а не лаяць ДАІ за
бяздзейнасць у кожнай канкрэтнай сітуацыі», — сказаў Вадзім Гаркун.
Сітуацыю з выкананнем Правілаў дарожнага руху ў Мінску карэнным чынам зменіць пашырэнне сістэмы фотавідэафіксацыі парушэнняў. У пацверджанне сваіх слоў намеснік начальніка ДАІ ГУУС Мінгарвыканкама прывёў прыклад Мінскай кальцавой аўтадарогі, сітуацыя з захаваннем законнасці на якой змянілася ў лепшы бок пасля ўстаноўкі названых сістэм. Вадзім Гаркун нагадаў, што фіксацыя парушэнняў такімі прыборамі цягне ўключэнне імя і прозвішча парушальніка ў адпаведную базу дадзеных ДАІ, хоць непасрэднай адзнакі ў талоне можа і не быць. Адказваючы на пытанне аб відэарэгістратары аўтааматараў, прадстаўнік аўтаінспекцыі сказаў, што іх пашырэнне палягчае працу ДАІ ў часе разглядаў ДТЗ і пакарання парушальнікаў. Пры гэтым Вадзім Гаркун запэўніў, што ў выпадку парушэнняў, дапушчаных супрацоўнікамі ДАІ, яны нясуць адказнасць у поўнай адпаведнасці з законам, а за грубыя парушэнні ПДР пазбаўляюцца працы.
