Тэлевізійнага прапагандыста Казіятку Лукашэнка прызначыў сенатарам 5

Генеральны дырэктар закрытага акцыянернага таварыства «Сталічнае тэлебачанне» Юрый Казіятка прызначаны членам савета рэспублікі нацыянальнага сходу Рэспублікі Беларусь пятага склікання.

Як паведамляе прэс-служба прэзідэнта, адпаведны ўказ Аляксандр Лукашэнка падпісаў 29 лістапада «ў адпаведнасці з часткай другой артыкула 91 Канстытуцыі Рэспублікі Беларусь».

Нагадаем, згодна з Канстытуцыяй, кіраўнік дзяржавы мае права прызначыць восем членаў савета рэспублікі. Яшчэ па восем членаў верхняй палаты абіраюцца дэпутатамі мясцовых саветаў базавага ўзроўню ад кожнай з абласцей Беларусі і Мінска.

Раней Лукашэнка таксама прызначыў членам савета рэспублікі старшыню Гродзенскага аблвыканкама Сямёна Шапіру.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ