Вызначыўся трэці супернік зборнай Беларусі ў кваліфікацыйным раўндзе чэмпіянату сьвету па хакеі.
Гэта зборная Нямеччыны, што сёньня перайграла зборную Нарвэгіі зь лікам 5:3. Такім чынам нарвэжцы, як і зборная Латвіі, што саступіла Італіі, будуць змагацца за выжываньне.
Склад групы, дзе працягнуць выступ беларусы, наступны: Канада, Славакія, Чэхія, ЗША, Беларусь, Нямеччына. Беларусы трапілі ў наступны раўнд бяз бонусных балаў, бо гульня з Аўстрыяй тут не залічваецца.
Свой першы матч зборная Беларусі згуляе 4 траўня са зборнай Канады. 6 траўня беларусы згуляюць са Славакіяй, а 7 траўня са зборнай Нямеччыны.
Чатыры наймацнейшыя каманды трапляюць у чвэрцьфінал.
* * *
Пачатак усіх гульняў а 15.15. Матчы трансьлююцца па БТ у жывым этэры. За імі таксама можна сачыць онлайн у Інтэрнэце. Напрыклад, на гэтым сайце
