Сьпевака зь Беларусі, які заняў шостае месца на конкурсе «Эўрабачаньне», сустракалі ў Нацыянальным аэрапорце як героя - зь дзяржаўнай сымболікай, песьнямі-танцамі і вайсковым аркестрам. З натоўпам журналістаў у аэрапорт прыехала і фотакарэспандэнтка НН.
Першым да Калдуна, які толькі спусьціўся з трапа самалёта, кінуўся зь віншавальнымі пацалункамі галоўны ідэоляг краіны Алег Праляскоўскі.
У аэрапорце свайго куміра Дзіму сустракалі журналісты, дзясяткі дзяўчатак у кашулях БРСМ і вайсковы аркестар, які ў чаканьні Калдуна наігрываў меднымі трубамі "Work Your Magic".
Калдун цярпліва раздаваў аўтографы і фатаграфаваўся з фанаткамі.
Справа ад Калдуна - той самы Азаронак, якому заехаў Філіп Кіркораў.