 Уладзімер Цэсьлер |
У Менску зьявісўя новы рух — высокае мастацтва ў клюбнай атмасфэры. «Чаму б нам у клюбе ня ладзіць выставы айчынных мастакоў?» — падумалі неяк работнікі клюбу «Иzюм», і з пытыньня паўстала цэлая канцэпцыя.
Адкрые сэрыю вечарын выстава сусьветна вядомага беларускага мастака Ўладзімера Цэсьлера. Афіцыйнае адкрыцьцё пройдзе 25 траўня, у пятніцу, а 19.30. На выставе будуць прэзэнтаваныя найлепшыя працы творцы. Будзе гучаць папулярная клясычная музыка, арыі з італьянскіх опэр у выкананьні Эдуарда Мартынюка (ляўрэата міжнародных конкурсаў, вядучага саліста нацыянальнай опэры), струннае трыа «Кандрыа», а таксама ды‑джэйскія сэты. Азартныя знатакі мастацтва змогуць набыць на аўкцыёне набор рэпрадукцый карцін з выставы з дароўным надпісам Уладзімера Цэсьлера.
Таксама будзе разгуляная мастацкая лятэрэя, галоўны прыз якой — партрэт пераможцы, які будзе напісаны проста на вечарыне.
Фота Андрэя Лянкевіча
