БТ, 21.40
Паляваньне на Вэраніку (Veronica Guerin)
ЗША – Ірляндыя – Вялікабрытанія, 2003, каляровы, 98 хв.
Рэжысэр: Джоэль Шумахер
Ролі выконваюць: Кейт Бланшэт, Герард МакСорлі, Гіаран Гіндз, Брэнда Фрыкер, Дон Ўічэрлі, Бэры Барнз
Жанр: Сацыяльна-біяграфічны трымценьнік
Прызы: Прыз глядацкіх сымпатый (Ірляндыя), прыз “Салідарнасьці” Джоэлю Шумахеру на МКФ у Сан-Сэбасьцьяне, намінацыя на “Залаты глёбус” за найлепшую жаночую ролю (Кейт Бланшэт) – усяго 3 узнагароды й 13 намінацый.
Ірляндыя 90-ых. Вайна пратэстантаў і каталікоў. На тле канфэсійнай калатнечы наркабароны адчуваюць сябе выдатна. Але журналістка Вэраніка Герын (Кейт Бланшэт) выкрывае мафію – і распавядае людзям страшную праўду пра злачынствы.
Рызыкуючы кар’ерай, сям’ёй і жыцьцём, яна здабывае самыя дакладныя факты. У адказ мафія распачынае паляваньне на Вэраніку. Калі ў 1996 годзе журналістка загінула ад рук наёмных забойцаў, гэта прывяло да перагляду ірляндзкіх законаў і арышту наркабаронаў.
Фільм заснаваны на сапраўдных падзеях.
