Опэра — месца, дзе герой, атрымаўшы ўдар кінжалам у сьпіну, пачынае сьпяваць замест таго, каб памерці.
Ордэн — знак заслугі перад тым, хто ўзнагароджвае ардэнамі.
Пагадненьне джэнтэльмэнскае — пагадненьне, на якое не пагодзіцца ніводзін джэнтэльмэн.
Падарожжа вясельнае — час ад «я хачу» да «ты павінен».
Падзеньне — адзіны сродак вылечыць боязь вышыні.
Падлетак — дзіця, якому мець сваіх не рэкамэндуецца.
Падлюка — чалавек, якому дазволена больш за іншых — з тае прычыны, што ён горшы за іншых.
Падручнік па гісторыі — падручнік па філязофіі ў прыкладах.
Падручнік па філязофіі — інструкцыя па эксплюатацыі чалавека.
Пазыка — сродак паляпшэньня памяці пазыкадаўцы.
Паліцыя — інструмэнт прымірэньня грамадзкіх свабод з ладам у грамадзтве.
Паліцыя конная — гэта калі адна галава добра, а дзьве — лепей.
Паляваньне — забойства з асалодай.
Памылка — рашэньне, вернае пры іншых умовах.
Паніка — падзеі, якія адбываюцца пасьля першага закліку да спакою.
Папрашайніцтва — гэта калі просяць хлеба, каб даесьці соль.
Парада — тое, што мы просім, калі ўжо ведаем адказ, але ён нам не падабаецца.
Поўны варыянт чытайце ў папяровай і pdf-вэрсіі газэты "Наша Ніва"
