У Мінску з'явіцца сям'я хмарачосаў
Унікальны комплекс з некалькіх хмарачосаў "Мінскія вежы" плануецца пабудаваць у Мінску на скрыжаванні праспекта Незалежнасці і вуліцы Філімонава [у раёне аўтавакзала «Маскоўскі»], паведаміў заказчык будаўніцтва, генеральны дырэктар СП "Аляксандраў-Пасаж" Алег Дзенісюк.
Паводле задумы архітэктараў, кампазіцыя аб'яднае тры арыгінальныя вежы з заломам, дзве з якіх перавысяць 150 м і стануць самымі высокімі будынкамі сталіцы.