Прэм'ер: Літва яшчэ не вырашыла, ці будаваць АЭС
Літоўскі прэм’ер Альгірдас Буткявічус кажа, што пакуль не можа сказаць, ці будзе Літва будаваць новую АЭС.
«Сёння я яшчэ не магу адказаць на гэтае пытанне», — сказаў прэм’ер у чацвер у інтэрв’ю радыёстанцыі Ziniu radijas,адказваючы на пытанне, ці будзе ці не будзе будавацца ў Літве новая станцыя.
Буткявічус казаў, што «пакуль цяперашні ўрад і міністр энергетыкі не знаходзяць нават некаторыя дакументы, якія былі падпісаны ранейшым урадам, магчыма, і з іншымі краінамі Балтыі». Ён сказаў, што збіраецца спытаць пра гэта падчас візіту ў Латвію.