Нашы ў горадзе. Дзёрзкая акцыя ў Віцебску: нацыянальны сцяг у гонар Каліноўскага - відэа
Малады чалавек на вачах у людзей падняўся на слуп і ўстанавіў там нацыянальны бел-чырвона-белы сцяг. Гэта адбылося ў самым цэнтры горада, каля Сіняга Дома.
Акцыя праведзена ў гонар 150-годдзя паўстання Кастуся Каліноўскага.
Бел-чырвона-белы беларускі сцяг застаецца дэ-факта забароненым у краіне, пасля таго як у 1995 годзе Аляксандр Лукашэнка замяніў яго на чырвона-зялёны савецкі.
Віцьбіч Сяргей Каваленка трапіў у турму ў 2012-м, за тое што ўмацаваў бел-чырвона-белы сцяг на галоўнай каляднай яліне горада. У Віцебску дзейнічае таямнічы Мірон, які вывешваў сцягі на самых высокіх і недаступных пунктах, у тым ліку на лініях электраперадачы.