У Мінску ўпершыню пройдзе фестываль моваў
Першы Мінскі фестываль моваў пройдзе 31 сакавіка на філалагічным факультэце БДУ.
Як паведаміў кіраўнік фестывалю Антон Сомін, у праграме мерапрыемства ўжо запланаваныя прэзентацыі 35 моваў, але іх колькасць можа павялічыцца.
Кожная прэзентацыя ўяўляе сабой40-хвілінную міні-лекцыю , падчас якой эксперты раскажуць пра фанетычныя, граматычныя і іншыя асаблівасці той ці іншай мовы.
Так, на фестывалі будуць прадстаўленыя еўрапейскія мовы: як папулярныя англійская, нямецкая, французская, гэтак і менш распаўсюджаныя нарвежская, фінская, ірландская; блок славянскіх моў: украінская, польская, чэшская, балгарская; асноўныя ўсходнія мовы: кітайская, карэйская, японская, арабская; мёртвыя мовы — старажытнагрэчаская, лацінская; і нават штучная мова эсперанта.
Апрача таго, на фестывалі будзе прадстаўлена вельмі рэдкая мова яурэ, на якой размаўляюць усяго 25 тыс. чалавек уКот-д ’Івуары. Руская і беларуская мовы на фестывалі прэзентаваныя не будуць.
Падчас фестывалю адбудзецца таксама пяць
Апрача таго, падчас фестывалю пройдзе мерапрыемства «іншага фармату» — гульня «Капялюш» на англійскай мове.
Усе лекцыі на фестывалі будуць разбітыя на шэсць паралеляў, і, адпаведна, у адной паралелі слухач можа выбраць і наведаць толькі адну лекцыю. Больш падрабязна са спісам тэм можна азнаёміцца на сайце фестывалю — minsklingfest.by.
«У нас нічога такога раней не было. І мне здаецца, людзям гэта будзе цікава.Звычайна веды пра мовы абмяжоўваюцца вузкім колам англійскай, французскай, нямецкай, а зараз з’явілася магчымасць даведацца, што ў свеце ёсць столькі зусім не падобных адна да адной моваў», — кажа Антон Сомін.
Паводле яго слоў, фестываль разглядаецца ў тым ліку як мерапрыемства прафарыентацыі для школьнікаў. «Многія з тых моваў, якія мы прэзентуем, вывучаюцца на філалагічным факультэце і факультэце міжнародных адносінаў БДУ, у МДЛУ, таму школьнікі на фестывалі змогуць зразумець, якую мову яны хацелі б вывучаць», — патлумачыў Сомін.
Уваход на першы Мінскі фестываль моваў будзе вольным, папярэдняя рэгістрацыя не патрэбная. На фестываль можна прыйсці ў любы час, але варта ўлічваць, што на адкрыцці (11.00) кожны прэзентатар правядзе кароткі анонс сваёй лекцыі.