У Сірыі баевікі забілі 15-гадовага падлетка за «блюзнерства»
У горадзе Алепа ў Сірыі баевікі, якія змагаюцца з рэжымам Башара Асада, пакаралі смерцю 15-гадовага падлетка.
Пра гэта паведамляе Reuters са спасылкай на Syrian Observatory for Human Rights.
Падлетак Мухамед Ката быў застрэлены на вачах у сваіх бацькоў.
Баевікі абвінавацілі яго ў блюзнерстве. За некалькі дзён да гэтага Ката ў адной з размоваў сказаў, што «не стане вернікам, нават калі прарок Мухамед спусціцца з нябёсаў».
Да якой менавіта групоўкі належалі баевікі, пакуль невядома.