Легендзе беларускага гандбола Спартаку Мірановічу — 75 гадоў
У маі 2013 г. Спартак Пятровіч разам са СКА заваяваў еўрапейскі Кубак выкліку.
Легендзе беларускага гандбола Спартаку Мірановічу сёння спаўняецца 75 гадоў
Спартак Пятровіч Мірановіч нарадзіўся ў Магнітагорску 20 чэрвеня 1938 г. У 1963 г. скончыў Гомельскі педагагічны інстытут. Яго кар’ера пачалася ў
Затым наступіла чарга трэнерскай дзейнасці. Такога паслужнога спісу, як у Спартака Пятровіча, няма ў ніводнага гандбольнага трэнера свету.З 1976 года ён з’яўляецца галоўным трэнерам каманды СКА.
Пад яго кіраўніцтвам каманда тройчы станавілася ўладальніцай Кубка еўрапейскіх чэмпіёнаў і двойчы выйгравала Кубак уладальнікаў кубкаў. Акрамя таго, на ўсесаюзнай арэне СКА шэсць разоў быў чэмпіёнам СССР,а ў чэмпіянаце суверэннай Беларусі падапечныя Спартака Міронавіча 10 раз запар станавіліся ўладальнікамі залатых медалёў.
Спартак Мірановіч быў трэнерам зборных каманд СССР і СНД, якія двойчы ў Сеуле і Барселоне заваёўвалі алімпійскае золата,былі сярэбранымі прызёрамі чэмпіянатаў свету і Суперкубка, пераможцамі Гульняў добрай волі.
У 1991–1997 гадах Мірановіч быў членам выканкама НАК.
За час трэнерскай дзейнасці ён падрыхтаваў каля 80 чэмпіёнаў свету.
Спартак Мірановіч — майстар спорту СССР, заслужаны трэнер СССР і Беларусі, заслужаны дзеяч фізічнай культуры і спорту Беларусі. Менавіта дзякуючы працы Мірановіча беларускі гандбол стаў вядомы на міжнароднай арэне.
«Наша Ніва» далучаецца да віншаванняў.