Маладзёну, які збіў доктара-сірыйца ў электрычцы, выставілі абвінавачванне
Яго вінавацяць у хуліганстве — частка 1 артыкула 339 Крымінальнага кодэкса.
Пра гэта паведаміла афіцыйны прадстаўнік Следчага камітэта Юлія Ганчарова. Максімальнае пакаранне па гэтым артыкуле — да двух гадоў пазбаўлення волі.
Пакуль што хлопец па-ранейшаму застаецца пад вартай. Следства працягваецца. Пасля завяршэння ўсіх следчых дзеянняў справа будзе перададзеная ў суд.
Нагадаем, 6 ліпеня ў электрычцы Орша — Мінск у раёне станцый Слабада — Сцяпянка малады чалавек з шумнай кампаніі збіў сірыйца, які, як высветлілася пазней, з'яўляецца клінічным ардынатарам адной з бальніц Мінска.
Следствам ужо ўстаноўлена, што зроблена гэта было беспадстаўна з хуліганскіх памкненняў.