Палітвязень Алесь Малчанаў жэніцца. На гадавіну Плошчы, 19 снежня
Іронія лёсу што такую дату яму прапанавалі ў ЗАГСе.
«Роспіс прызначылі на 19 снежня, — паведаміў Алесь. — Толькі праз паўгадзіны я ўцяміў аналогію з падзеямі трохгадовай даўніны».
25-гадоваму Малчанаву на момант Плошчы было 22. Менавіта ён «выклікаў» шматлікія ператрусы ў беларускіх СМІ, у тым ліку і «Нашай Ніве» тады. Рэч у тым, што хлопец у часе шэсця павесіў нацыянальны сцяг на галоўным будынку КДБ на праспекце Незалежнасці ўвечары 19 снежня 2010. Спедчыя спрабавалі канфіскаваць у Рэдакцыях кадры гэтага моманту, бо шматлікія аператары спецслужбаў яго прапусцілі.
Толькі праз тры тыдні юнака ідэнтыфікавалі.
6 студзеня 2011 ён быў затрыманы на кватэры ў Барысаве і неўзабаве атрымаў 3 гады турмы за ўдзел у «масавых беспарадках». Быў памілаваны і выйшаў на свабоду ў верасні 2011.