Апазіцыя кліча ўсіх да Адміністрацыі прэзідэнта
Украінская апазіцыя заклікае мітынгоўцаў ісці да Адміністрацыі прэзідэнта і патрабаваць ад прэзідэнта Януковіча падпісаць указ аб адстаўцы ўрада.
Пра гэта заявілі лідары апазіцыі пасля правальнага галасавання ў парламенце.
Адказваючы на пытанне аб тым, што Януковіч накіраваўся з візітам у Кітай, Яцэнюк сказаў, што прэзідэнт едзе толькі ў сераду.
«У нас ёсць выразная пазіцыя. Калі ўрад і парламент дэманстратыўна не чуюць, не жадаюць чуць людзей, мы іх прымусім пачуць людзей», — дадаў Віталь Клічко.