Хакеры ўзламалі акаўнты Skype
Сэрвіс IP-тэлефаніі Skype быў узламаны хакерамі групы «Сірыйская электронная армія».
Яны размясцілі на ўзламаных старонках паведамленне з патрабаваннем не карыстацца поштай Microsoft — кампаніі, якая валодае Skype.
У паведамленні падкрэсліваецца, што Microsoft перадае ўсе звесткі карыстальнікаў ўрадавым сакрэтным службам.
«Сірыйская электронная армія» — група хакераў, якія падтрымліваюць прэзідэнта Сірыі Башара Асада. Хакеры рэгулярна атакуюць сайты вядучых сусветных выданняў і буйных кампаній.